Ұлттық рухтың тұма бұлағы – Ұлы жүрек!
Тек жүректен шыққан сөз ғана жүрекке жетеді. Ал сол жүректің ұлттық қайнардан нәр алуы – бүгінгі күннің басты талабы болмақ. Соңғы кезде «ұлттық сана» деп ұрандатып жүрміз. Бізге ұлттық санадан да бұрын ұлтын сүйетін жүректер қажет! Көп қажет! Әйтпегенде рухсыз жүректен рухты сөз шыға ма, керісінше, рухты сөз рухсыз жүрекке жете ме? Бұл арасы күдікті...
Ғажап нәрсе, біздер «ұлт» сөзін ұлы тіркеске айналдырдық. «Ұлттық жоба», «Ұлттық университет», «Ұлттық одақ», «Ұлттық басылым» және «Ұлттық арна»!
Бәрі де ұлттың сөзімен сөйлейді. Бірақ ұлттың сөзін сөйлеп жатыр ма? «Мигрант» тілмен майпаздап, шеттің шекпенін жамылып кеткен кездер аз емес. Батыстық үлгідегі бағдарламалар бағымыз емес екені анық. Олардан арылып, ұлттық ұстанымды ұрандайтын хабарлар ашсақ, ұлтын сүйетін жүректер міне, сонда қалыптасады.
Рас, рухсыз әлемде ұлттық рухтың тамыр жаюы қиын. Бұл ретте, ұлттық арнаға жүктелер міндет көп. Бастысы, бастап кету керек. Әрі қарай, жұмыртқаның сарысы құсап, ұлттық рух өзгені тебе бастайды, бірақ пісе келе, өзіне тартады емес пе? Айырылмас серігі етеді, ізбасар дос жасайды. Рас, ұлттық арна бұл ұлы істі бастап та кетті! Мағжандар, Сәкендер ұрандаған ұлттық күресті жалғастырып келеді. Тек тәрбиеленген жүректер аздық етіп жатыр. Оның үстіне сырттан сүйрелеңдеген тіл мен көз көре алмастық етуде. Одан құтылар айқын жолды айтып отырмыз. Бізге ұлттық бағдарлама, хабарлар ашу қажет. Оны әзірлемекке ұлт деп соққан жүректер қажет. Бет-жүзін құбылаға емес, батысқа бұрған халқымызды ұлтын сүюге тәрбиелеудің бірден-бір жолы – осы!
Ендеше, ұлттық арна ұлттық рух, ұлт ұстанымының ұжмағы болуы шарт!!!
Ғажап нәрсе, біздер «ұлт» сөзін ұлы тіркеске айналдырдық. «Ұлттық жоба», «Ұлттық университет», «Ұлттық одақ», «Ұлттық басылым» және «Ұлттық арна»!
Бәрі де ұлттың сөзімен сөйлейді. Бірақ ұлттың сөзін сөйлеп жатыр ма? «Мигрант» тілмен майпаздап, шеттің шекпенін жамылып кеткен кездер аз емес. Батыстық үлгідегі бағдарламалар бағымыз емес екені анық. Олардан арылып, ұлттық ұстанымды ұрандайтын хабарлар ашсақ, ұлтын сүйетін жүректер міне, сонда қалыптасады.
Рас, рухсыз әлемде ұлттық рухтың тамыр жаюы қиын. Бұл ретте, ұлттық арнаға жүктелер міндет көп. Бастысы, бастап кету керек. Әрі қарай, жұмыртқаның сарысы құсап, ұлттық рух өзгені тебе бастайды, бірақ пісе келе, өзіне тартады емес пе? Айырылмас серігі етеді, ізбасар дос жасайды. Рас, ұлттық арна бұл ұлы істі бастап та кетті! Мағжандар, Сәкендер ұрандаған ұлттық күресті жалғастырып келеді. Тек тәрбиеленген жүректер аздық етіп жатыр. Оның үстіне сырттан сүйрелеңдеген тіл мен көз көре алмастық етуде. Одан құтылар айқын жолды айтып отырмыз. Бізге ұлттық бағдарлама, хабарлар ашу қажет. Оны әзірлемекке ұлт деп соққан жүректер қажет. Бет-жүзін құбылаға емес, батысқа бұрған халқымызды ұлтын сүюге тәрбиелеудің бірден-бір жолы – осы!
Ендеше, ұлттық арна ұлттық рух, ұлт ұстанымының ұжмағы болуы шарт!!!
